Aufnahmegesuch von Giovanni Giorgio Valeriano de Serponte, Sohn des Paolo Antonio de Serponte, in das "Collegium DD Judicum, Comitum et Equitum" der Stadt Mailand, gedruckt, 1735 April 19
"Pro Generica Familiam de Serponte floruisse in Oppido Varenae Larii Lacus testatur Raphael Fanianus sub littera S., ubi memorat Antonium de Serponte, qui anno 1364 electus ad leniendum animum Bernabovis Vicecomitis Mediolani Domini contra Varenenses summopere concitatum tantum gratia, et facundia valuit, ut Principis indignationem leniret, et mulctae illis indictae diminutionem assequeretur. Thomaxium ex Nobilibus de Serponte de Varena, nec non Joannem de Serponte ab eo genitum a Mediolani Ducibus Feudo donatum fuisse perhibet documentum, de quo in Specifica sub littera A. Posset Petens plures in huius rei comprobationem afferre publicos scriptores, aliaque documenta; verum quia rem decisam praestat Ascanius de Serponte J.C. Collegiatus in hunc Illustrissimum Ordinem cooptatus anno 1574, ut constat ex eodem Fanniano, et ex libris dierum utilium, ideo ad Specificam transit. Pro Specifica Usque a saeculo decimo quarto floruit in hac familia Thomaxius de Serponte Tritavi Petensis Abavus: Strenuus Miles a Joanne Galeatio Vicecomite primo Mediolani Duce Feudo donatus in Vallae Clavennae, ut probat documentum dispensationis obtentae pro alienatione, seu obligatione Feudi praedicti signat A. Ex eodem pariter documento apparet dicti Tomaxii filium fuisse Joannem, qui Pater fuit Spectabilis, et praestantis Viri Georgii, cuius favore dicta dispensatio concessa fuit. In eodem pariter documento supradictus Thomaxius dicitur Avus Sylvestri de Serponte, qui etiam in eadem dispensatione Consobrinus Georgii vocatur, et a Blanca Mediolani Ducissa Nobiles de Serponte dicuntur. Dictum autem Sylvestrum fuisse filium Antonii, et Proavum Ascanii J.C.C. Mediolani, probat processus Testium examinatorum occasione cooptationis eiusdem Ascanii signato B., ex quo etiam processu apparet D. Thomam Avum praedicti J.C.C. Ascanii fuisse Praefectum Arcis Novocomi, et D. Bernardum Patrem fuisse Regium Fiscalem Generalem in Mediolano Dominio, et denique familiam de Serponte de Varena Nobilem, et antiquam fuisse. Pro ut etiam descentiam a praedicto Sylvestro usque ad eumdem J.C.C. Ascanium probant alia Instrumenta exhibita sub eadem litt. B. A supradicto Spectabili, et praestanti Viro Georgio ad stipendia dictae Ducissae militanti ortum habuit D. Joannes Antonius Tritavi Pater, ut apparet ex Instrumento emptionis recepto per Antonium Calvaxinam publicum Mediolani Notarium sub die 17. Decembris anni 1478, signat. C. Filius praedicti D. Jo. Antonii extitit Spectabilis D. Petrus Tritavus, ut ex Instrumento emptionis recepto per Bartholomaeum Panitiam publicum Mediolani Notarium sub die 3. Januarii anni 1487, signat. D. Item ex Instrumento Investiturae facto per dictum Spectabilem D. Petrum, et receptae per Augustinum de Zulino Mediolani Notarium, sub die 26. Januarii anni 1534, signat. E. A praedicto Spectabili D. Petro originem traxit Spectabilis, et Magnificus D. Georgius Attavus, ut ex Instrumento emptionis diei 24. Septembris anni 1575 recepto per Ludovicum Onganiam, ex expletum per Paulum Antonium Festoratium Mediolani Notarium, signat. F. A dicto Spectabili, et Magnifico D. Georgio in lucem venerunt D. Jacobus Antonius Abavus, et D. Jo. Petrus fratres de Serpontis, ut ex Instrumento conventionum diei 30. Octobris anni 1599, recept. per Oratium de Andrianis pub. Mediolani Notarium, signat. H. Praedictus autem D. Jo. Petrus duos filios habuit, nempe Georgium, qui fuit Physicus Collegiatus Mediolani, et D. Thomam, qui fuit Equitum Dux; prout constat ex Testamento praedicti Physici Collegiati Georgii recepto per Franciscum Caratum publicum Mediolani Notarium sub die 29. Julii anno 1663, signat. I. Quod autem dictus Thomas fuerit Equitum Dux sub Potentissimis Hispaniarum Regibus, constat ex tribus documentis, vulgo Patenti, signat. K, et ex eodem Testamento dicti Physici Collegiati Georgii etiam apparet Emiliam de Serponte filiam praedicti Capitanei Thomae, et Testatoris neptem, Uxorem fuisse infrascripti D. Jo. Antonii Petentis Avi, quod matrimonium contractum fuit media dispensatione Summi Pontificis ad tollendum impedimentum consanguinitatis in tertio gradu, ut ex dicta dispensatione signata L. Praedicti autem D. Jacobi Antonii filius fuit Egregius D. Georgius Proavus, ut ex Instrumento emptionis recepto per Emilium Arrigonum, & expleto per Jo. Antonium pariter Arrigonum Mediolani Notarium sub die 5. Februarii anni 1654 signat. M. Item ex alio Instrumento emptionis factae a dicto Illustrissimo D. Georgio sub die 23. Januarii anni 1671 recepto per Joannem Cattaneum publicum Mediolani Notarium, signat. N. Dictus autem Nobilis, & Illustrissimus D. Georgius fuit a Secretis in Cancellaria Secretiori, & Excelsi Consilii Secreti Status Mediolani, ut ex documento signat. O. Tres autem a dicto Illustrissimo Georgio orti sunt filii, nempe D. Marchio Jo. Antonius Avus Regius a Secretis in Secretiori Cancellaria, & D. Valerianus Quaestor longioris Togae in Illustrissimo Magistratu Reddituum Extraordinariorum, & D. Abbas Alexander Regius Canonicus S.M. Scalensis, ut constat ex Instrumento ratificationis diei 20. Octobris anni 1677 recepto per Jo. Cattaneum publicum Mediolani Notarium, de quo infra in saeculari habitatione sub litteris GG. Item ex documento ressignationis de titulo Marchionai factae per dictum D. Quaestorem D. Valerianum favore dicti D. Joannis Antonii eius fratris diei 23. Julii anni 1706, signat. P. Dictus autem Canonicus Alexander fuit Abbas Paullii, & deinde Archipresbyter eiusdem Ecclesiae Sanctae Mariae Scalensis, ut ex documentis signat. Q. A dicto Illustrissimo Marchione D. Jo. Antonio pariter orti sunt tres filii, nempe Illustrissimus D. Marchio Paulus Antonius Pater, ut ex Instrumento possessionis praedicti Feudi Mirasolis diei 17. Julii anni 1691 recepto per D. Joseph Benaliam Regiae Ducalis Camerae Notarium signat. R. qui etiam fuit titulo Comitis a Serenissimo Duce Mutinae decoratus, ut ex documento signat. S. Item Illustrissimus D. Don Valerianus Dux Equitum, ut constat ex Instrumento approbationis calculorum diei 9. Novembris anni 1711 recepto per Jo. Petrum Mollum publicum Derthonae Notarium, cum fide legalitatis signat. T. Denique Illustrissimus D. Don Georgius Canonicus Scalensis, ut ex Instrumento investiturae diei 27. Martii anni 1708 receptae per Angelum Mariam Glussianum Mediolani Notarium signat. V; qui etiam fuit Regius Ducalis Suboeconomus Generalis, ut ex documento signat. X. Filius autem dicti Marchionis, & Comitis Pauli Antonii est Marchio, & Comes ex diplomate ut supra Joannes Georgius Valerianus Petens, ut ex privilegio Laureae Doctoralis dato Papiae sub die 8. Martii 1734 signat. Y., & denique ex fide Baptismatis signat. Z. Dictus autem Marchio Joannes Georgius Valerianus fuit ex XII. provisionum, & Protector Carceratorum ex Classe Nobilium, ut ex documentis signatis &.
Pro seculari habitatione [es folgen Angaben über die Wohnorte in Mailand, beginnend mit dem Jahr 1635, nach Pfarreien und Stadtteilen]
Nobilitierungsdiplom von Karl III., König von Spanien: Carolus Tertius Dei gratia Rex Castellae, (...) Dux Mediolani, (...) &c. Egregio Nobis Dilecto Don Joanni Antonio Serponte, Regio Feudatario in Ducato Mediolani, & ibidem a Secretis in Cancellaria, & Consilio nostro Secretiori, gratiam nostram Regiam, ac bonam voluntatem. (...) Quam ob rem perpendentes merita majorum tuorum, & tua, cuius familia a Germanico sanguine ortum Ducens, Imperialibus Armis Italiam ingressa, in Mediolani Ducatu suum nobile genus propagavit, benigna ad ornatum tui voluntate, propendimus. Ex historiarum quippe, & documentorum fide patet, Comitem Serapontis, pro juribus Imperii sub Henrico Octavo strenue dimicentem, ibi mortem obiisse, relicto post se Joanne filio: sub Vicecomitibus postea Antonius de Serponte, ac sub Sfortientibus Georgius, & aliis gestibus clari, monimenta grati animi reportarunt. Sed praecipue commendabilis videtur tua familia ex eo, quod ab initio quo Praedecessores nostri dominari caeperunt Mediolani, continuata temporum serie viros aluit eorum obsequiis laudabiliter adjectos. Etenim Joannes Thomas Praefectus Castri Cumarum: Bernardus Generalis Regius Fiscalis intoto dicto nostro Ducatu, Ascanius Serpontus eius filius de Collegio Jurisconsultorum, Equitum, ac Judicum Mediolani obsequia sua Philippo Secundo, & Philippo Tertio praestiterunt. Thomas Philippo Quarto, & Carolo Secundo Propatruo nostro, ter Equitum Tribunus, in nostris Exercitibus Belgii, Germaniae, & Italiae, toto vitae suae curricolo strenue operaum narravit: Nec non Georgius Pater tui Don Joannis Antonii arduis in expeditionibus, Romae primum, pro vindiciis Regiae nostrae jurisdictionis, Electoralibus deinde comitiis, gravibus ei commissis, a Secretis postmodum Cancellariae, ac Consilii nostri Secretioris Mediolani, servitia sua impendit: Cuius vestigia secutus Don Valerianus eius filius triginta sex ab hinc annis meret in nostro servitio Quaestor Togatus in Magistratu Extraordinariorum Reddituum Mediolani, quorum alios de mandato Serenissimi Regis Caroli Secundi nostri Propatrui transegit in Imperiali Curiae Viennae, adictus gravissimis negotiis, alios in Regia Matritensi, missus ad Regem ipsum a nostro Mediolani Gubernatore tunc Comite de Melgar, ad res summi momenti pertractandas. Tu vero Don Joannes Antonii filius natu major Georgi supradicti munus pariter adeptus es Regii Secretarii nostri in Cancellaria, & in Consilio Secretiori Status Mediolani, ac in eo egregie ultra triginta trium annorum spatium inservisti. Quapropter justum, ac congruum, in nostrae benevolentiae signum existimavimus insignire titulo, ac Marchionatus Dignitate te, tuosque Haeredes, & Successores ordine Primogeniturae servato super Feudo Mirasolis sito in Provincia Novarensi nostri Status Mediolani, quod possides. (...) Dat. in Castris nostris prope Albalate die duodecima mensis Augusti anno a Nativitate Domini milesimo septingentesimo decimo.
Linea petentis Gedruckte Übersicht, die in Kurzfassung noch einmal die Reihe aufführt, wie sie oben dokumentiert wurde. Beginnt mit: "Thomaxius ex Nobilibus de Serponte de Varena, Strenuus Miles Feudo donatus, & Bonis in Valle Clavenae pro se, & descendentibus suis a Jo. Galeatio I. Mediolani Duce"
Weitere Korrespondenz hinsichtlich der Führung des Adelstitels, als Begründung wird immer wieder bei Tommaso, seinen Verdiensten als Soldat und seiner Verleihung des mailändischen Bürgerrechts von 1397 angesetzt.
Am Schluss kleiner Zettel [Foto leider unscharf]: 1819 Stemma della Nobile Famiglia Serponti Patrizia di Milano ora Ill. Sig. D. Giov. Antonio Serponti Marchese di Mirasole, e D. Angelo. [Siegelabdruck des Serponti-Wappens] Origine da Sarbruch, in Italia da Varenna sul lago di Como, come si vede nel Diploma di Giov. Galeazzo Visconti Duca di Milano di Cittadinanza di Milano concessa Nobili viro Tomaxio de Serponte in data di Pavia 8. Genn. 1397. Principali Possessi nella Provincia Novarese.
Drucker-optimierte Version